Attivita’ għat-Tfal
L-Erbgħa 6 ta’ Awwissu se jkollna l-attività tas-sajf għat-tfal minn Year 1 sa Year 6. L-attività, li se tinkludi formazzjoni, talb u logħob, se ssir fiċ-Ċentru Ta’ Warda mill-5.30pm sas-7.30pm. Dawk il-ġenituri li jixtiequ li uliedhom jattendu huma mitluba li jinkitbu fis-sagristija jew minn fuq il-paġna ta’ Facebook tal-parroċċa.
Adorazzjoni
Il-Ħamis 7 ta’ Awwissu fis-6.00pm, qabel il-quddiesa ikollna l-adorazzjoni quddiem Ġesù Ewkaristija li fiha tingħad il-kurunella u ssir id-devozzjoni tal-Ħniena Divina.
Attivita’ b’risq il-Missjoni
Is-Sibt 9 ta’ Awwissu se ssir l-aħħar attività b’risq il-missjoni li grupp ta’ żgħażagħ mill-parroċċa se jagħmlu fil-Perù dan is-sajf. L-attività se tkun BBQ fiċ-Ċentru Ta’ Warda, fis-7.30pm. Bookings mis-sagristija.
Trasport għall-velja ta’ talb
Se jiġi organizzat trasport għal dawk li jixtiequ jattendu għall-velja ta’ talb tal-Assunta li se ssir fuq iz-zuntier tas-Santwarju tal-Madonna ta’ Pinu ġewwa Għawdex nhar il-Ħamis 14 ta’ Awwissu, lejlet Santa Marija. It-trasport jitlaq fl-4.15pm minn ħdejn il-posta. Dawk li jixtiequ jattendu għandhom ikellmu lil Joe Micallef (tal-Legion of Mary) sal-11 ta’ Awwissu.
Ġabra għall-poplu ta’ Gaza
Il-CARITAS Malta qed tagħmel sejħa ta’ emerġenza biex jinġabru fondi b’risq il-poplu ta’ Gaża li bħalissa għaddej minn tbatija estrema kaġun ta’ tant ġlied u vjolenza. Min jixtieq jagħmel xi donazzjoni jista’ jgħaddiha fil-kontijiet bankarji li jidhru fin-noticeboards tal-knisja jew jgħaddi l-offerta direttament lill-Arċipriet jew lil xi ħadd mis-saċerdoti.
Ħdejn il-bibien tal-knisja hemm fuljett żgħir b’rabta mas-Sena tal-Ġublew u dwar kif nistgħu nkunu sinjal ta’ tama billi ngħixu l-Opri tal-Ħniena. Nistednukom tieħdu fuljett intom u ħerġin.
Ġabra Speċjali
Fl-Ewwel Ħadd tax-Xahar, issir il-ġabra speċjali għall-bżonnijiet tal-knisja. Nirringrazzjawkom tal-għajnuna tagħkom li dejjem tagħtu permezz tal-offerti tagħkom.
Nitolbu għal ħuna Alfred Muscat, li għadda għall-ħajja ta’ dejjem. Agħtih, O Mulej, il-mistrieħ ta’ dejjem.