Laqgħa Grupp Padre Pio
L-Erbgħa jkun hawn il-laqgħa tal-Grupp ta’ Padre Pio li tibda fis-6.00pm bir-Rużarju.
Festa Santa Marija
Il-Ġimgħa 15 ta’ Awwissu, niċċelebraw is-Solennità ta’ Marija Assunta. Din hija festa kmandata u jixraq li nqaddsu din il-ġurnata billi nieħdu sehem fil-quddiesa. Il-quddies ikun bħal nhar ta’ Ħadd (filgħodu 7.00am, 8.00am, 9.30am u 11.00am u filgħaxija 7.00pm). Lejlet il-festa, il-Ħamis filgħaxija, ikun hawn quddiesa waħda fis-6.30pm u oħra fis-Santwarju tal-Qalb ta’ Ġesù fis-6.15pm.
F’dawn il-ġranet qed tiġi ċċelebrata l-festa ta’ Santa Marija fil-knisja ddedikata lilha f’Ħal Muxi. Il-Ħamis, lejlet il-festa, ikun hemm rużarju fis-7.15pm u wara quddiesa. Il-Ġimgħa 15 ta’ Awwissu, jum il-festa, ikun hemm quddiesa fit-8.00am; fl-10.00am quddiesa għat-tfal; u fis-7.15pm Rużarju u wara quddiesa tal-festa.
Ġabra Speċjali
Il-ġabra speċjali li saret is-Sibt u l-Ħadd li għadda għall-bżonnijiet tal-knisja kienet ta’ €1,434. Nirringrazzjawkom tal-ġenerożità tagħkom.
Nitolbu għal ħutna Alfred Mallia u Inez Camilleri, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.