Adorazzjoni

Il-Ġimgħa, 6/03, l-Ewwel Ġimgħa tax-Xahar, wara l-quddiesa tas-7.00am ikun hawn adorazzjoni fis-skiet quddiem Ġesù Ewkaristija sa qabel il-quddiesa tat-8.00am.

Eżerċizzi għall-miżżewġin u għal kulħadd

Mit-Tnejn 9 ta’ Marzu, sal-Ġimgħa 13 ta’ Marzu se jsiru l-eżerċizzi għall-miżżewġin u għal kulħadd li se jmexxihom Fr Alfred Scerri. L-eżerċizzi jsiru fil-Knisja Arċipretali wara l-quddiesa ta’ filgħaxija.

Kunċert ta’ Mużika Sagra

Is-Sibt 14 ta’ Marzu fis-7.30pm, fl-okkażjoni tal-200 anniversarju minn meta ġiet inawgurata l-Vara l-Kbira u xi vari oħra li għadhom joħorġu sallum fil-purċissjoni tal-Ġimgħa l-Kbira, fil-Knisja Arċipretali se jittella’ kunċert ta mużika sagra, qari ta’ poeżiji u tagħrif storiku dwarhom. Kulħadd huwa mistieden. 

Taħdita dwar il-Liżar ta’ Kristu

It-Tnejn 16 ta’ Marzu fis-7.00pm, fis-Sala tas-Sorijiet se ssir taħdita fuq il-Liżar ta’ Kristu li jinsab meqjum ġewwa l-belt ta’ Turin. Din il-laqgħa hija miftuħa għal kulħadd. 

Sejħa reffiegħa għar-Redentur u d-Duluri

Dawk kollha li jixtiequ jieħdu sehem bħala reffiegħa jew forċini, kemm fil-pellegrinaġġ tar-Redentur, u kemm fil-pellegrinaġġ tad-Duluri, huma mitluba li jinkitbu fil-Maħżen tal-Ġimgħa l-Kbira matul din il-ġimgħa li ġejja, mit-Tnejn 2 sal-Ġimgħa 6 ta’ Marzu, mill-4.30pm sas-7.30pm.  

Nitolbu għal ħutna Marlene Grech, Ġuża Borg u Esther Galea, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem. 

Adorazzjoni Ewkaristika

Il-Ħamis ikun hawn l-Adorazzjoni Ewkaristika fis-6.00pm bi ħsibijiet marbuta ma’ dan iż-żmien tar-Randan. Infakkru li nhar ta’ Erbgħa u nhar ta’ Ġimgħa, issir il-meditazzjoni tal-Via Sagra wara l-quddiesa tat-8.00am u fis-6.00pm qabel il-quddiesa ta’ filgħaxija. Nhar ta’ Sibt jingħad l-Għasar fil-5.00pm.

Sehem fil-Purċissjoni tal-Ġimgħa l-Kbira

Mit-Tnejn 23 sal-Ħamis 26 ta’ Frar se ssir ir-reġistrazzjoni għal dawk li jixtiequ jieħdu sehem fil-purċissjoni tal-Ġimgħa l-Kbira. Il-kitba ssir fil-maħżen tal-Ġimgħa l-Kbira (wara l-knisja) bejn l-4.30pm u s-7.30pm. Ir-reġistrazzjoni se tkun għall-ilbies tal-persunaġġi u suldati, għar-reffiegħa tal-vari, għas-slaleb tal-wegħda u għat-tfal. Wieħed għandu jmur jinkiteb skont il-ġurnata kif indikat fil-poster li hemm fin-noticeboards tal-knisja u fuq il-paġna tal-Facebook tal-parroċċa. Il-kitba se tkun fuq bażi ta’ first come, first served, ħlief għar-reffiegħa li jintagħżlu bil-polza. 

Sospensjoni tal-Katekiżmu

Is-Superjura tal-MUSEUM tixtieq tavża li minn nhar it-Tnejn (23/02) sal-Ġimgħa (27/02) is-soċji se jkollhom l-eżerċizzi u għaldaqstant it-tfal u l-adolexxenti mhux se jkollhom tagħlim tal-katekiżmu matul din il-ġimgħa. 

Nitolbu għal ħuna Karmenu Agius, li għadda għall-ħajja ta’ dejjem. Agħtih, O Mulej, il-mistrieħ ta’ dejjem.

Adorazzjoni fil-Kappella ta’ San Ġużepp

It-Tlieta (17/2) fl-10.00am ikun hemm Adorazzjoni fil-Kappella ta’ San Ġużepp animata mis-Superjur Joe Fenech.

Ras ir-Randan

Nhar l-Erbgħa 18 ta’ Frar, nagħtu bidu għaż-żmien tar-Randan. Fil-quddies kollu ssir iċ-ċerimonja tat-tqegħid tal-irmied. Fis-6.00pm jibda pellegrinaġġ bis-Salib. Kif jintemm il-pellegrinaġġ issir quddiesa konċelebrata. Wara l-quddiesa se ssir it-tnedija ta’ żewġ kotba: wieħed b’poeżiji devozzjonali li jakkumpanjaw il-vari tal-Ġimgħa l-Kbira u ieħor b’poeżiji b’rabta ma’ Ħaż-Żebbuġ, kitba ta’ Andrè J. Galea.

Infakkru li nhar Ras ir-Randan għandu jiġi osservat bħala jum ta’ sawm u astinenza. Ħaġa sabiħa wkoll li matul il-ġimgħat tar-Randan wieħed jimpenja ruħu biex jersaq spiss għas-sagramenti tal-qrar u t-tqarbin, jitlob, jagħmel xi sagrifiċċju personali u jagħmel xi forma ta’ karita’.

Adorazzjoni matul ir-Randan

Matul iż-żmien tar-Randan, kull nhar ta’ Ħamis, fis-6.00pm ikun hawn l-adorazzjoni b’temi u riflessjonijiet marbutin mar-Randan. Nhar ta’ Erbgħa u nhar ta’ Ġimgħa, issir il-meditazzjoni tal-Via Sagra wara l-quddiesa tat-8.00am u fis-6.00pm qabel il-quddiesa ta’ filgħaxija. Nhar ta’ Sibt tingħad it-talba tal-Għasar fil-5.00pm.

Seminar għall-ġenituri tat-tfal li ser jagħmlu l-Ewwel Tqarbina

Is-Sibt 21 ta’ Frar se jsir seminar għall-ġenituri li uliedhom se jagħmlu l-Ewwel Tqarbina f’Mejju. Is-seminar se jsir fl-iskola St. Michael’s, Santa Venera, bejn l-4.30pm u s-7.00pm. Il-ġenituri huma mħeġġa li jattendu. Waqt is-seminar it-tfal ikunu miġbura għalihom mal-katekisti.

Sehem fil-Purċissjoni tal-Ġimgħa l-Kbira

Il-kitba għal dawk li jixtiequ jieħdu sehem fil-purċissjoni tal-Ġimgħa l-Kbira se tiftaħ mit-Tnejn 23 ta’ Frar. Aktar dettalji jingħataw fuq il-paġna tal-Facebook tal-parroċċa u permezz ta’ posters li jkunu mwaħħlin fin-noticeboards tal-knisja.  

Coffee Morning

It-Tlieta 17 ta’ Frar fid-9.15am se jsir Coffee Morning b’risq il-knisja fis-Sala tas-Sorijiet. Biljetti mingħand il-helpers tal-grupp tal-fundraising.

Nitolbu għal ħutna Tessie Psaila u Karmenu Barbara, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.

Attivita’ b’rise ir-Residenza ta’ St Patrick

Il-Ħadd (8/2) wara l-quddiesa tad-9.30am ikollna l-attivita’ għat-tfal u l-familji fuq iz-zuntier b’risq ir-Residenza ta’ Saint Patrick f’Tas-Sliema. Nistiednu lill-familji bit-tfal biex jieħdu sehem.

Griżma tal-Isqof

It-Tnejn 9 ta’ Frar, fil-quddiesa tas-6.30pm, fil-Knisja Arċipretali, dawk l-adolexxenti li se jirċievu s-Sagrament tal-Griżma tal-Isqof f’Ottubru ta’ din is-sena huma mistiedna jressqu t-talba tagħhom biex jirċievu dan is-sagrament. Il-ġenituri u l-parrini huma mistiedna jattendu magħhom għal din il-quddiesa. 

Festa ta’ San Pawl

It-Tlieta 10 ta’ Frar, Festa tan-Nawfraġju ta’ San Pawl, il-quddies ikun fis-6.00am, 7.00am, 8.00am u jkun hawn quddiesa oħra fid-9.30am. Il-quddiesa ta’ filgħaxija tkun fis-6.30pm. Ħaġa sabiħa li f’din il-ġurnata għażiża għalina l-Maltin nieħdu sehem fil-quddiesa.

Quddies speċjali għall-miżżewġin

Il-Ġimgħa 13 ta’ Frar, nistiednu lill-koppji miżżewġin għal quddiesa speċjali għalihom fis-6.30pm, fil-Knisja Arċipretali. Dawk il-koppji li s-sena li għaddiet iċċelebraw xi anniversarju speċjali miż-żwieġ tagħhom huma mistiedna li jidħlu fis-sagristija u jagħtuna l-ismijiet tagħhom. Din l-attività qed tiġi organizzata mill-Kummissjoni Familja tal-parroċċa, flimkien mal-Azzjoni Kattolika Nisa.

Coffee Morning

It-Tlieta 17 ta’ Frar fid-9.15am se jsir Coffee Morning b’risq il-knisja fis-Sala tas-Sorijiet. Biljetti mingħand il-helpers tal-grupp tal-fundraising.

Ġabra Speċjali

Il-Ġabra Speċjali li saret is-Sibt u l-Ħadd li għadda b’risq il-knisja kienet ta’ €1,814. Nirringrazzjawkom tal-għajnuna li dejjem tagħtu lill-knisja. Is-sorijiet tal-Little Sisters of the Poor tal-Ħamrun jixtiequ jirringrazzjaw li kull min tahom xi donazzjoni b’riżq id-dar tal-anzjani li jmexxu huma. Il-ġabra kienet ta’ €1,500. 

Festa tal-Preżentazzjoni tal-Mulej

It-Tnejn li ġej, 2 ta’ Frar, niċċelebraw il-Festa tal-Preżentazzjoni tal-Mulej. Fil-quddiesa tas-6.30pm, fil-Knisja Arċipretali se ssir il-preżentazzjoni tat-tfal li se jirċievu l-Ewwel Tqarbina din is-sena mill-ġenituri tagħhom. Inħeġġu lill-familji tat-tfal li se jirċievu l-Ewwel Tqarbina biex jieħdu sehem.

Laqgħa Grupp Klema tal-Ħajja

It-Tlieta (3/2) fid-9.30am jiltaqa’ l-Grupp tal-Kelma tal-Ħajja għand is-sorijiet.   

Il-Ġimgħa (6/2) hija l-Ewwel Ġimgħa tax-xahar. Wara l-quddiesa tas-7.00am se jkun hawn ħin ta’ adorazzjoni fis-skiet quddiem Ġesù Ewkaristija, li jintemm bil-Barka Sagramentali qabel il-quddiesa tat-8.00am.

Attivita’ b’riżq ir-Residenza ta’ St Patrick

Il-Ħadd li ġej (8/2) wara l-quddiesa tad-9.30am se ssir attivita’ għat-tfal u l-familji fuq iz-zuntier b’risq ir-Residenza ta’ Saint Patrick f’Tas-Sliema. Nistiednu lill-familji bit-tfal biex jieħdu sehem.

Quddies għall-adolexxenti li ser jirċievu s-Sagrament tal-Griżma tal-Isqof

It-Tnejn 9 ta’ Frar, fil-quddiesa tas-6.30pm, fil-Knisja Arċipretali, dawk l-adolexxenti li se jirċievu s-Sagrament tal-Griżma tal-Isqof f’Ottubru ta’ din is-sena huma mistiedna jressqu t-talba tagħhom biex jirċievu dan is-sagrament. It-talba li jridu jippreżentaw dakinhar tkun mogħtija lilhom miċ-Ċentru tad-Duttrina fejn jattendu. Il-ġenituri u l-parrini huma mistiedna jattendu magħhom għal din il-quddiesa.

Quddiesa għall-Koppji Miżżewġa

Il-Kummissjoni Familja tal-parroċċa, flimkien mal-Azzjoni Kattolika Nisa, qegħdin jistiednu lill-koppji miżżewġin għal quddiesa speċjali għalihom, nhar il-Ġimgħa 13 ta’ Frar, fis-6.30pm, fil-Knisja Arċipretali. Dawk il-koppji li s-sena li għaddiet iċċelebraw xi anniversarju speċjali miż-żwieġ tagħhom huma mistiedna li jidħlu fis-sagristija u jagħtuna l-ismijiet tagħhom. Dakinhar tingħata tifkira tal-okkażjoni.

Ġabra Speċjali

Fl-Ewwel Ħadd tax-Xahar issir il-ġabra speċjali għall-bżonnijiet tal-knisja. Nirringrazzjawkom tal-għajnuna tagħkom li dejjem tagħtu  permezz tal-offerti tagħkom.

Nitolbu għal ħutna Maria Farrugia, Nikola Farrugia u Alexander Hili, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem. 

Jum il-Kelma ta’ Alla

Dan il-Ħadd (25/01) qegħdin niċċelebraw Jum il-Kelma ta’ Alla (Jum il-Bibbja). Din il-ġurnata trid tfakkarna fil-ħtieġa li nużaw il-Bibbja għat-talb u r-riflessjoni tagħna. Għall-quddiesa tad-9.30am it-tfal huma mistiedna jġibu l-bibbja tagħhom biex titbierek waqt il-quddiesa. Infakkru wkoll fil-ktejjeb KLIEM IL-ĦAJJA li jkun fih silta qasira mill-Bibbja, ħsieb u talba għal kull ġurnata. Jekk hawn min jixtieq jabbona fih, javviċina lil xi ħadd mill-membri tal-Leġjun ta’ Marija.

Laqgħa għall-Koppji Miżżewġin

Il-Ġimgħa 30 ta’ Jannar, il-Kummissjoni Familja se torganizza laqgħa oħra għall-koppji miżżewġin fis-6.30pm fis-Sala tas-Sorijiet (taħt l-Uffiċċju Parrokkjali). Il-kelliem se jkun Fr Reuben Vella.  

Festa tal-Preżentazzjoni tal-Mulej

It-Tnejn 2 ta’ Frar, niċċelebraw il-Festa tal-Preżentazzjoni tal-Mulej. Fil-quddiesa tas-6.30pm, fil-Knisja Arċipretali se ssir il-preżentazzjoni tat-tfal li se jirċievu l-Ewwel Tqarbina din is-sena mill-ġenituri tagħhom. Inħeġġu lill-familji tat-tfal li se jirċievu l-Ewwel Tqarbina biex jieħdu sehem.

Applikazzjonijiet għad-dħul fl-Iskejjel tal-Knisja

Is-Segretarjat għall-Edukazzjoni Nisranija javża li qed jintlaqgħu applikazzjonijiet online għad-dħul fl-iskejjel tal-Knisja mit-28 ta’ Jannar sal-4 ta’ Frar. Aktar informazzjoni tinsab fuq in-noticeboards tal-knisja jew minn fuq il-website.

Nitolbu għal ħuna Francis Dimech, li għadda għall-ħajja ta’ dejjem. Agħtih, O Mulej, il-mistrieħ ta’ dejjem. 

Adorazzjoni fil-Kappella tas-Sorijiet

It-Tlieta 20 ta’ Jannar fl-10.00am issir l-adorazzjoni fil-kappella tas-Sorijiet immexxija mis-Superjur Joe Fenech.

Adorazzjoni

Il-Ħamis 22 ta’ Jannar fis-6.00pm, fil-Knisja Arċipretali ikun hawn l-adorazzjoni li fiha se nitolbu b’mod speċjali għall-għaqda fost il-Knejjes Insara.

Servizz Ekumeniku

Il-Ġimgħa 23 ta’ Jannar se jsir Servizz Ekumeniku  u talb mal-aħwa Nsara minn Knejjes oħra fil-preżenza tal-mexxejja ta’ Knejjes oħra, Ortodossi u Protestanti, li jinsabu f’pajjiżna. Il-laqgħa se ssir fil-Knisja Arċipretali u Bażilika ta’ San Pawl ir-Rabat, fis-6.30pm. Kulħadd huwa mistieden.

Jum il-Kelma t’Alla

Il-Ħadd 25 ta’ Jannar, il-Knisja Universali tiċċelebra Jum il-Kelma ta’ Alla – Jum il-Bibbja. Dan il-jum ifakkarna fil-bżonn li aħna nkunu midħla tal-Kelma ta’ Alla li ddawwal ħajjitna. Għall-quddiesa tad-9.30am nistiednu t-tfal biex iġibu magħhom il-Bibbja tagħhom  ħalli nberkuhom waqt il-quddiesa.

Nitolbu għal ħutna Gaetano Borg, Ruth Aquilina u Marianna Barbara, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.

Ġimgħa ta’ Talb

Mill-Ħadd 18 sal-Ħadd 25 ta’ Jannar, meta niċċelebraw il-Festa tal-Konverżjoni ta’ San Pawl, tibda l-Ġimgħa ta’ Talb għall-Għaqda fost il-Knejjes Insara mad-dinja kollha. Xieraq li f’għaqda mal-Knisja Universali nitolbu biex il-knejjes insara differenti jkunu dejjem iżjed ħaġa waħda bejniethom.  

Laqgħa Grupp Padre Pio

L-Erbgħa jmiss il-laqgħa tal-Grupp ta’ Padre Pio li tibda fis-6.00pm bit-talba tar-Rużarju meditat.

Quddiesa animata mill-Banda San Filep

Il-Ħadd 18 ta’ Jannar, il-quddiesa tal-11.00am se tkun animata mill-Għaqda Każin Banda San Filep, bis-sehem tal-banda taħt id-direzzjoni u b’mużika ta’ Mro Richard Bugeja. 

Sejħa għall-Voluntiera għall-Pellegrinaġġ Djoċesan f’Lourdes

L-Għaqda Maltija għat-Trasport tal-Morda f’Lourdes (UMTAL) qed tagħmel sejħa għall-voluntiera, kemm mediċi kif ukoll dawk li mhumiex, biex jingħaqdu għall-Pellegrinaġġ Djoċesan f’Lourdes, biex jgħinu l-morda u persuni b’diżabilità. Id-dati tal-pellegrinaġġ se jkunu mit-13 sat-18 ta’ Lulju 2026. Dawk li jixtiequ joffru li jkunu voluntiera, ikollhom laqgħat ta’ taħriġ u preparazzjoni. Aktar informazzjoni tista’ tinkiseb mis-sagristija jew mill-avviżi li hemm fin-noticeboards.

Proġett tad-Damask

Id-donazzjonijiet li daħlu s’issa b’riżq il-proġett tad-damask laħqu €16,110. Nirringrazzja lil kull min qiegħed jagħti s-sehem tiegħu.

Coffee Morning

It-Tlieta 13 ta’ Jannar fid-9.15am ikollna l-Coffee Morning b’riżq il-knisja fis-Sala tas-Sorijiet. Biljetti mingħand il-helpers tal-grupp tal-fundraising. 

Nitolbu għal ħutna Ludgarda Debattista, Eugenia Bonello, MaryRose Sciortino u Oliver Aquilina, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.  

Wasla tal-Maġi

Il-Ħadd, 4/1, qabel il-quddiesa tad-9.30am ikollna rappreżentazzjoni tal-wasla tal-Maġi. Il-familji huma mistiedna jinġabru għad-9.15am ħdejn iċ-Ċentru Ta’ Warda. Fil-quddiesa se noffru l-oġġetti ta’ ikel u s-somma ta’ €1,500 li nġabret matul l-Avvent u l-Milied għal Dar Merħba Bik.

Ġabra b’riżq id-Dar tal-Providenza

Il-ġbir li sar b’riżq id-Dar tal-Providenza fil-bidu tas-sena fil-Knisja Arċipretali u fil-knejjes l-oħra li fihom isir il-quddies, laħaq is-somma ta’ €10,000. F’isem id-Direttur Mons. Martin Micallef, nirringrazzjawkom tal-ġenerożità tagħkom.

Quddiesa għall-Għarajjes

Il-Moviment ta’ Kana qed jistieden lill-għarajjes li ħa jiżżewġu matul is-Sena 2026, għall-quddiesa ċċelebrata minn Mons. Arċisqof Charles J. Scicluna, nhar is-Sibt 10 ta’ Jannar 2026, fil-Konkatidral ta’ San Ġwann, il-Belt Valletta, fil-5.30pm.

Coffee Morning

It-Tlieta 13 ta’ Jannar fid-9.15am se jsir Coffee Morning b’riżq il-knisja fis-Sala tas-Sorijiet. Biljetti mingħand il-helpers tal-grupp tal-fundraising.

Nitolbu għal ħutna Abraham Micallef, Karmenu Attard, Godwin Camilleri u Mario Coleiro, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.  

Festa tal-Familja Mqaddsa

Qed niċċelebraw il-Festa tal-Familja Mqaddsa. Nitolbu b’mod speċjali għall-qdusija tal-familji tagħna.  

Kwaranturi

Minn nhar it-Tnejn 29 sal-Erbgħa 31 ta’ Diċembru, l-aħħar jum tas-sena, ikollna l-ġranet tal-Kwaranturi fil-Knisja Arċipretali. F’dawn il-ġranet ikun hawn l-espożizzjoni solenni tal-Ewkaristija matul in-nofs ta’ nhar ta’ filgħodu u filgħaxija mill-4.30pm ’il quddiem. Inħeġġu biex min jista’ jsib ftit ħin u jiġi hawn fil-knisja jgħaddi ftit mumenti ta’ adorazzjoni.

Quddies tal-aħħar/ewwel tas-Sena

L-Erbgħa (31/12), l-aħħar jum tas-sena, ikollna l-quddiesa tal-5.15pm. Fis-6.10pm issir it-talba tal-Għasar u fis-6.30pm il-quddiesa solenni ta’ radd il-ħajr lil Alla fl-għeluq tas-sena. Fi tmiem il-quddiesa, issir purċissjoni fil-knisja bl-Ewkaristija u jitkanta t-Te Deum. Nhar il-Ħamis, l-Ewwel Jum tas-Sena, Solennità ta’ Marija Omm Alla, il-quddies ikun bħal ta’ nhar ta’ Ħadd. Filgħaxija jkollna quddiesa fis-6.30pm.

Ġabra b’riżq id-Dar tal-Providenza

Il-ġbir kollu li jsir nhar l-Erbgħa filgħaxija u fl-Ewwel tas-Sena jkun b’riżq id-Dar tal-Providenza. Ilkoll nafu kemm din id-dar teħtieġ għajnuna biex toffri servizz tajjeb u professjonali lir-residenti li jgħixu fiha. Inħeġġukom sabiex tkun ġenerużi fl-għotjiet tagħkom. S’issa, mid-donazzjonijiet li nġabru mill-kunċert u l-Bake Sale, kif ukoll mill-bejgħ ta’ ponsjetti li sar mill-grupp taż-żgħażagħ Ta’ Warda, inġabru €1,773.

Festa tal-Epifanija tal-Mulej

Il-Ħadd li ġej, 4 ta’ Jannar, niċċelebraw il-Festa tal-Epifanija tal-Mulej. Dakinhar se niċċelebraw il-wasla tal-Maġi qabel il-quddiesa tad-9.30am. Qed nistiednu lill-familji bit-tfal biex jinġabru ħdejn iċ-Ċentru Ta’ Warda fid-9.15am sabiex jakkumpanjaw lill-Maġi sal-knisja. It-tfal jistgħu jilbsu wkoll ta’ slaten maġi. Inħeġġu lill-familji jieħdu sehem. 

Proġett tad-damask

Nhar il-Milied ħabbarna l-proġett ta’ damask ġdid għal 14 -il pilastru. F’dawn il-ftit ġranet daħlu €4,930 f’donazzjonijiet. Grazzi lil min diġa’ ta s-sehem tiegħu.

Soċji ġodda tad-Duttrina Nisranija

Nifirħu liż-żagħżugħ Gilbert Borg mill-parroċċa tagħna li, flimkien ma’ erba’ żgħażagħ oħra, inkorpora Soċju mas-Soċjeta’ tad-Duttrina Nisranija (MUSEUM). Nitolbu għalih ħalli jippersevera f’din is-sejħa li l-Mulej sejjaħlu għaliha.

Nitolbu għal ħutna Emanuel Gauci, Ismael Galea u Teresa Azzopardi, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.