Festa ta’ San Martin

Il-Ħadd, 9/11, fil-quddiesa tad-9.30am niċċelebraw il-festa ta’ San Martin għat-tfal u l-familji. It-tfal huma mistiedna jġibu magħhom għotjiet tal-ikel biex ngħinu familji fil-bżonn. 

Quddies u tberik tal-oqbra

Il-Ħadd, 9/11, fl-4.00pm jkun hemm quddiesa fiċ-ċimiterju tal-Qalb ta’ Ġesù u wara jsir it-tberik tal-oqbra. F’każ li tkun ix-xita, il-quddiesa ssir fil-Knisja Arċipretali. Iċ-ċimiterju ta’ Sant’Andrija jitbierek nhar il-Ħadd 16 ta’ Novembru fl-10.00am. 

Laqgħa Grupp Kelma tal-Ħajja

It-Tlieta (11/11) jiltaqa’ l-Grupp tal-Kelma tal-Ħajja fid-9.30am fis-Sala għand is-Sorijiet. 

Laqgħa Grupp Padre Pio

L-Erbgħa (12/11) fil-Knisja Arċipretali jkun hawn il-laqgħa tal-Grupp ta’ San Padre Pio. Tibda fis-6.00pm bir-Rużarju meditat u wara ssir il-quddiesa. 

Ftuh mill-ġdid taċ-Ċenaklu

Din il-ġimgħa reġa’ nfetaħ mill-ġdid iċ-Ċenaklu, wara li sar xi xogħol fih. Infakkru li dan il-post ikun miftuħ kuljum matul il-ġurnata mis-7.00am sat-8.00pm. Ħaġa sabiħa li matul il-ġurnata nsibu ftit ħin biex naduraw lil Ġesù fl-Ewkaristija u ngħaddu ħin fit-talb u l-ġabra.

Grupp ġdid għall-adolexxenti f’ Ta’ Warda

Fiċ-Ċentru taż-Żgħażagħ Ta’ Warda se nibdew grupp ġdid għall-adolexxenti li rċevew il-Griżma tal-Isqof, jiġifieri dawk li twieldu fis-sena 2013 (Year 8 / Form 2). L-ewwel laqgħa għal dan il-grupp se ssir nhar il-Ħamis 13 ta’ Novembru fis-7.00pm fiċ-Ċentru Ta’ Warda stess. Għal aktar informazzjoni tistgħu tikkuntattjaw lil Fr Mario Dimech.

Dħul fl-Iskejjel tal-Knsija

Fil-ġimgħat li ġejjin se jintlaqgħu l-applikazzjonijiet għad-dħul fl-iskejjel tal-Knisja. Aktar informazzjoni tinkiseb minn fuq il-website tal-Kurja.

Ġabra Speċjali

Il-ġabra speċjali li saret nhar il-Ħadd li għadda għall-knisja kienet ta’ €1,800. Grazzi tal-ġenerożità tagħkom.

Nitolbu għal ħutna Imelda Farrugia u Michael Chircop, li għaddew għall-ħajja ta’ dejjem, kif ukoll għall-mejtin kollha. Agħtihom, O Mulej, il-mistrieħ ta’ dejjem. 

L-Għid tal-Imwiet

Il-Ħadd, 2/11, niċċelebraw l-Għid tal-Imwiet. Niftakru f’ħutna li għaddew għall-ħajja ta’ dejjem. Il-ħinijiet tal-quddies jibqa’ bħal tal-Ħadd. Matul dan ix-xahar iċ-ċimiterju tal-Qalb ta’ Ġesù jkun miftuħ kuljum mis-7.00am sat-3.30pm. 

Ċelebrazzjoni tal-Qaddisin Kollha

Nhar it-Tnejn (3/11), se ssir Ċelebrazzjoni tal-Qaddisin Kollha għat-tfal li tibda fis-6.00pm b’quddiesa fil-Knisja Arċipretali. Nistiednu lit-tfal jiġu lebsin ilbies abjad jew isfar. Wara jkun hemm attività varjata għat-tfal fuq iz-zuntier. Navżaw li din tkun l-unika quddiesa għal nhar it-Tnejn filgħaxija u ma jkunx hawn quddiesa fis-6.30pm.  

Ftuħ taċ-Ċenaklu

L-Erbgħa (5/11) se jerġa’ jinfetaħ mill-ġdid iċ-Ċenaklu wara li sar xi xogħol fih. Fis-7.00pm, fiċ-Ċenaklu stess, Fr Peter Paul Sultana se jagħti spjegazzjoni u tifsira dwar ix-xogħol li sar minnu stess u d-dehra ġdida li ngħatat lil dan il-post ta’ talb u ġabra. Wara, l-Ewkaristija titqiegħed fit-tabernaklu u jsir mument ta’ adorazzjoni. 

Adorazzjoni

Il-Ġimgħa (7/11), l-Ewwel Ġimgħa tax-xahar, wara l-quddiesa tas-7.00am ikun hawn adorazzjoni fis-skiet sa qabel il-quddiesa tat-8.00am. Dakinhar imħeġġin nitolbu għall-vokazzjonijiet.

Festa ta’ San Martin

Nhar il-Ħadd li ġej, 9 ta’ Novembru, fil-quddiesa tad-9.30am niċċelebraw il-festa ta’ San Martin. Inħeġġu lill-familji bit-tfal biex jattendu. Nistiednu lit-tfal biex iġibu magħhom għotjiet tal-ikel biex ngħinu familji fil-bżonn.  

Quddiesa fiċ-Ċimiterju tal-Qalb ta’ Ġesu’

Il-Ħadd li ġej (9/11), fl-4.00pm ikun hemm quddiesa fiċ-ċimiterju tal-Qalb ta’ Ġesu’ u wara jsir it-tberik tal-oqbra. It-tberik taċ-ċimiterju ta’ Sant’Andrija jsir il-Ħadd ta’ wara, 16 ta’ Novembru, fl-10.00am. Fil-quddies li jsir fiċ-ċimiterji niftakru b’mod speċjali f’dawk li mietu minn Novembru tas-sena l-oħra ’l hawn. Il-familjari u l-qraba tagħhom huma mistiedna biex jieħdu sehem f’dan il-quddies.

Prietka tal-Milied

Dawk it-tfal subien u bniet li jixtiequ jagħmlu l-prietka tal-Milied, il-ġenituri tagħhom huma mitluba li jiktbuhom fis-sagristija.

Coffee Morning

It-Tlieta 11 ta’ Novembru, se jsir Coffee Morning b’riżq il-knisja fis-sala tas-Sorijiet, fid-9.15am. Booking mingħand il-membri tal-grupp tal-fundraising.

Ġabra Speċjali

Il-Ħadd, 2/11/ huwa l-Ewwel Ħadd tax-Xahar, u għalhekk issir il-ġabra speċjali għall-bżonnijiet tal-knisja. Nirringrazzjawkom tal-għajnuna tagħkom li dejjem tagħtu 

permezz tal-offerti tagħkom.

Nitolbu għal ħutna Salvina Pace u Tereża Mifsud, li għaddew għall-ħajja ta’ dejjem, u għall-mejtin kollha. Agħtihom, O Mulej, il-mistrieħ ta’ dejjem.  

Festa tal-Konsagrazzjoni tal-Knisja

Qegħdin niċċelebraw il-festa tal-Konsagrazzjoni tal-Knisja. Festa li tfakkarna fil-qdusija ta’ din il-knisja li aħna bħala nsara ninġabru fiha biex nagħtu qima lil Alla. Fuq kollox niftakru li l-Knisja, aktar milli l-bini, hija aħna, il-poplu t’Alla. 

Ħinijiet tal-Quddies

Issa li qlibna għall-ħin tax-xitwa, infakkru li l-ħin tal-quddies filgħaxija ma jinbidilx.

Rużarju fil-Beraħ

Il-Leġjun ta’ Marija se jorganizza Rużarju fil-beraħ minn nhar it-Tnejn (għada) sa nhar il-Ġimgħa li ġej fil-pjazza ta’ Ħal Dwieli. Ir-Rużarju jibda fis-5.45pm u l-Ġimgħa jkun hemm quddiesa fil-pjazza wara r-Rużarju. Inħeġġu lil min jista’ sabiex jattendi, b’mod speċjali lil dawk li joqogħdu f’din iż-żona.

Festa tal-Qaddisin Kollha

Is-Sibt 1 ta’ Novembru, Festa tal-Qaddisin Kollha. L-għada l-Ħadd, 2 ta’ Novembru, niċċelebraw l-Għid tal-Imwiet. Niftakru f’ħutna li għaddew għall-ħajja ta’ dejjem. Il-ħinijiet tal-quddies ikunu bħal tal-Ħadd.

Quddiesa għat-Tfal

It-Tnejn 3 ta’ Novembru, fis-6.00pm ikollna quddiesa għat-tfal fil-Knisja Arċipretali. Nistiednu lit-tfal jiġu lebsin tal-qaddis/a favorit/a tagħhom jew b’ilbies ikkulurit. Wara jkun hemm attività varjata għat-tfal fuq iz-zuntier. Navżaw li dakinhar din tkun l-unika quddiesa filgħaxija u ma jkunx hawn quddiesa fis-6.30pm.  

Quddies u Tberik fiċ-Ċimiterji

Il-Ħadd li ġej, 9 ta’ Novembru, fl-4.00pm ikun hemm quddiesa fiċ-ċimiterju tal-Qalb ta’ Ġesu’ u wara jsir it-tberik tal-oqbra.

It-tberik taċ-ċimiterju ta’ Sant’Andrija jsir il-Ħadd ta’ wara, 16 ta’ Novembru, fl-10.00am.

Fil-quddies li jsir fiċ-ċimiterji niftakru b’mod speċjali f’dawk li mietu minn Novembru tas-sena l-oħra ’l hawn. Il-familjari u l-qraba tagħhom huma mistiedna biex jieħdu sehem f’dan il-quddies.

Matul ix-xahar ta’ Novembru, iċ-ċimiterju tal-Qalb ta’ Ġesù jkun miftuħ kuljum mis-7.00am sat-3.30pm. 

Ġabra b’riżq il-Missjoni

Il-ġbir li sar fil-quddies is-Sibt u l-Ħadd li għadda fil-Knisja Arċipretali u fil-knejjes l-oħra b’riżq il-Missjoni kien ta’ €5,548.

Prietka tal-Milied

Dawk it-tfal subien u bniet li jixtiequ jagħmlu l-prietka tal-Milied, il-ġenituri tagħhom huma mitluba li jiktbuhom fis-sagristija.

Nitolbu għal oħtna Josephine Micallef, li għaddiet għall-ħajja ta’ dejjem. Agħtiha, O Mulej, il-mistrieħ ta’ dejjem.

Adorazzjoni

It-Tlieta (21/10) fl-10.00am ikun hemm l-Adorazzjoni mmexxija mis-Superjur Joe Fenech fil-kappella ta’ San Ġużepp għand is-Sorijiet.

Laqgħa għall-Koppji Miżżewġin

Il-Ġimgħa 24 ta’ Ottubru, se ssir laqgħa għall-koppji miżżewġin, fis-7.00pm, fis-sala taħt l-Uffiċċju Parrokkjali, organizzata mill-Kummissjoni Familja. Imexxi l-laqgħa l-Arċipriet Fr Albert.

Festa tal-Konsagrazzjoni tal-Knisja

Nhar il-Ħadd li ġej 26 ta’ Ottubru, niċċelebraw il-festa tal-Konsagrazzjoni tal-Knisja. Festa li tfakkarna li l-Knisja hija aħna, il-poplu ta’ Alla, li niġu f’dan il-post qaddis biex nagħtu qima lil Alla. Il-quddiesa tal-5.15pm is-Sibt tkun kantata u l-Ħadd il-quddiesa tad-9.30am tkun animata għat-tfal b’din it-tema.  

Għeluq (temporanju) taċ-Ċenaklu

F’dawn il-ġranet iċ-Ċenaklu jinsab magħluq minħabba li qiegħed isir xogħol fih biex jingħata dehra differenti u isbaħ kif jixraq lil dan il-post imħejji għall-Adorazzjoni Ewkaristika. Il-ħsieb hu li fi ftit ġranet oħra jinfetaħ mill-ġdid biex matul il-ġurnata wieħed ikun jista’ jinġabar għal mumenti ta’ talb fis-skiet quddiem Ġesù Ewkaristija.   

Ġabra għall-Missjoni

Il-Knisja, mad-dinja kollha, illum qed tiċċelebra l-Ġurnata Missjunarja. L-Opri Missjunarji Pontifiċji (illum magħrufin bħala MISSIO) jgħinu diversi missjunarji, kemm Maltin u oħrajn, li jitolbu għajnuna biex iwasslu t-tagħlim tal-Vanġelu u tal-katekiżmu tal-Knisja Kattolika, jibnu knejjes, iżommu skejjel, iwaqqfu sptarijiet u jikkuraw morda, jassistu u jilqgħu fi djar apposta familji u tfal abbandunati u jipprovdulhom il-bżonnijiet l-aktar essenzjali. Għaldaqstant, bil-ġbir li jsir fil-quddies ta’ dan it-tmiem il-ġimgħa, inkunu qed ngħinu din il-ħidma missjunarja tal-Knisja f’dawk il-pajjiżi fejn hemm bżonn ħafna assistenza. 

Nitolbu għal ħutna Saviour Micallef u Mary Micallef, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem. Din il-ġimgħa wkoll tajna tislima liċ-ċkejken Nathan Chetcuti. Nitolbu għall-ġenituri u l-familja tiegħu. 

Festa ta’ San Franġisk

Il-Ħadd (12/10) filgħodu, fl-okkażjoni tal-Festa ta’ San Franġisk u Jum il-Ħolqien, qed nistiednu lit-tfal biex iġibu l-pets u l-annimali tagħhom biex jitbierku fil-quddiesa tad-9.30am li se tkun iċċelebrata fuq iz-zuntier tal-knisja. Din l-attività qed issir b’kollaborazzjoni mal-Kunsill Lokali. 

Bidla fil-Ħinijiet tal-Quddies

Infakkru li l-Ħadd filgħaxija ser jibda jkun hawn quddiesa waħda u tkun fis-6.30pm

Laqgħat tal-Katekeżi

Minn nhar it-Tnejn (13/10) jibdew il-laqgħat ta’ Katekeżi fis-Sala tas-Sorijiet, fis-7.30pm. Dawn il-laqgħat, immexxija minn membri tal-Mixja Neokatekumenali, ikomplu kull nhar ta’ Tnejn u nhar ta’ Ħamis fil-ġimgħat li ġejjin.

Laqgħa Grupp Kelma tal-Ħajja

It-Tlieta (14/10) issir il-laqgħa tal-grupp Kelma tal-Ħajja fid-9.30am għand is-sorijiet. Il-Laqgha hija miftuħa għal kulħadd.

Qrar bi preparazzjoni għas-Sagrament tal-Griżma ta’ l-Isqof

Il-Ġimgħa (17/10) filgħaxija mis-6.00pm sas-7.30pm u l-għada s-Sibt filgħodu mit-8.00am sal-10.00am ikun hawn servizz ta’ qrar għall-ġenituri u parrini bi preparazzjoni għas-sagrament tal-Griżma.

Ċelebrazzjoni tal-Griżma tal-Isqof

Nhar is-Sibt (18/10) fl-4.30pm jiġi ċċelebrat is-Sagrament tal-Griżma għall-bniet. Il-Ħadd (19/10) fid-9.15am jirċievu l-Griżma s-subien. Nifirħu lil dawk li se jirċievu dan is-Sagrament u nitolbu għalihom. 

Ġurnata Missjunarja

Il-Ħadd, 19 ta’ Ottubru, il-Knisja tiċċelebra l-Ġurnata Missjunarja. Il-MISSIO jgħinu diversi missjunarji, kemm Maltin u oħrajn, li jitolbu għajnuna biex iwasslu t-tagħlim tal-Vanġelu u l-Katekiżmu tal-Knisja Kattolika, jibnu knejjes, iżommu skejjel, iwaqqfu sptarijiet u jikkuraw morda, jassistu u jilqgħu fi djar apposta familji u tfal abbandunati u jipprovdulhom il-bżonnijiet l-aktar essenzjali. Għaldaqstant, bil-ġbir li jsir fil-quddies is-Sibt u l-Ħadd li ġej, inkunu qed ngħinu din il-ħidma missjunarja tal-Knisja. Il-quddiesa tas-6.30pm se tkun animata mill-grupp ta’ żgħażagħ mill-parroċċa tagħna li għamlu esperjenza missjunarja fil-Peru’.

Ġabra b’rizq il-Knisja

Il-ġbir li sar fil-quddies nhar is-Sibt u l-Ħadd li għadda b’riżq il-knisja kien ta’ €1,935. Nirringrazzjawkom dejjem tal-għajnuna u s-sostenn li tagħtu lill-knisja.

Ġabra għal Hospice Malta

Intom u ħerġin mill-knisja membri volontarji ta’ Hospice Movement se jkunu qed jilqgħu donazzjoni b’riżq is-servizzi u l-assistenza li l-Hospice joffri lil ħafna persuni li jkunu jeħtieġu l-għajnuna minħabba mard tal-kanċer u mard serju ieħor. Il-Hospice joffri s-servizzi tiegħu mingħajr ħlas, għaldaqstant kull donazzjoni min-naħa tagħna tkun ta’ għajnuna kbira u hija ferm apprezzata.

Nitolbu għal ħutna Nikolina Chircop, Carmela Vassallo u Charles Ellul, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.

Festa tal-Madonna tar-Rużarju

Il-Ħadd, 5/10, niċċelebraw il-festa tal-Madonna tar-Rużarju. Fl-4.30pm tingħad it-talba tal-Għasar, fil-5.00pm quddiesa kantata bis-sehem tal-Kor Parrokkjali u wara purċissjoni bix-xbiha tal-Madonna akkumpanjata bit-talba tar-Rużarju. Wara l-purċissjoni jkun hawn il-quddiesa tas-7.00pm.

Infakkru li matul ix-xahar ta’ Ottubru fil-Knisja Arċipretali tingħad it-talba tar-Rużarju fis-6.00 ta’ filgaħxija quddiem Ġesù Ewkaristija u tingħata l-barka sagramentali qabel il-quddiesa. Il-Papa qiegħed jagħmlilna sejħa biex noffru din it-talba għażiża matul dan ix-xahar għall-Paċi fid-dinja. Inħeġġukom biex fil-familji tagħna nitolbu ir-rużarju, nilqgħu l-appell tal-Papa u flimkien nissieħbu miegħu f’din l-intenzjoni fit-talb tagħna.

Laqgħa tal-Grupp Padre Pio

L-Erbgħa 8 ta’ Ottubru jmiss il-laqgħa tal-Grupp ta’ San Padre Pio li tibda bir-rużarju fis-6.00pm u tkompli bil-quddiesa ta’ filgħaxija.  

Qrar bi ġreparazzjoni għall-Griżma ta’ l-Isqof

Din il-ġimgħa l-adolexxenti bniet li ser jagħmlu l-Griżma ikollhom il-qrar fiċ-Ċentri fejn jattendu kif avżati. Inħeġġeġ lill-ġenituri biex jinkoraġġixxu lil uliedhom iħejju ruħhom u jsersqu għall-qrar qabel il-Griżma.

Festa ta’ San Franġisk

Il-Ħadd li ġej 12 ta’ Ottubru, b’rabta mal-festa ta’ San Franġisk li l-Knisja iċċelebrat fl-4 ta’Ottubru, fil-quddiesa tad-9.30am ser isir it-tberik tal-annimali.  Għalhekk nistiednu lit-tfal biex dak inhar iġibu l-pets u l-annimali tagħhom biex jitbierku. Il-quddiesa tkun iċċelebrata fuq iz-zuntier tal-knisja. Din iċ-ċelebrazzjoni qed issir b’kollaborazzjoni mal-Kunsill Lokali. 

Tibdil fil-Quddies ta’ nhar ta’ Ħadd

Minn nhar il-Ħadd li ġej 12 ta’ Ottubru filgħaxija, ser jibda jkun hawn quddiesa waħda filgħaxija u din ser tibda tkun fis-6.30pm (flok fis-7.00pm).  Meta tkun ser issir quddiesa bil-magħmudija tkun fil-5.00pm.

Coffee Morning

It-Tlieta 14 ta’ Ottubru ser issir Coffee Morning b’riżq il-knisja fis-sala tas-Sorijiet, fid-9.15am. Booking għand il-membri tal-grupp tal-fundraising.

Ġabra Speċjali

Fl-Ewwel Ħadd tax-Xahar issir il-ġabra speċjali għall-bżonnijiet tal-knisja. Nirringrazzjawkom tal-għajnuna tagħkom li dejjem tagħtu permezz tal-offerti tagħkom.

Nitolbu għal ħuna Mikiel Abela, li għadda għall-ħajja ta’ dejjem. Agħtih, O Mulej, il-mistrieħ ta’ dejjem. 

Festa tal-Madonna tal-Grazzja

Qegħdin niċċelebraw il-festa tal-Madonna tal-Grazzja fil-knisja dedikata lilha. Il-Ħadd filgħaxija (28/09) ikun hemm quddiesa. Fis-6.00pm issir il-quddiesa solenni tal-festa li tagħlaq bl-Antifona u l-Barka Sagramentali.

Laqgħa għall-Ġenituri u Parrini

It-Tlieta (30/09) fis-7.00pm se ssir l-aħħar laqgħa għall-ġenituri u l-parrini ta’ dawk li se jagħmlu l-Ġriżma f’Ottubru. Il-laqgħa se ssir fis-Sala Parrokkjali (fid-Domus).   

Ix-Xahar tar-Rużarju

Minn nhar l-Erbgħa (01/10) nagħtu bidu għax-xahar ta’ Ottubru, xahar id-dedikat lir-Rużarju. Matul Ottubru fis-6.00pm issir l-espożizzjoni tal-Ewkaristija u jingħad ir-Rużarju li jintemm bil-barka sagramentali qabel il-quddiesa.

Adorazzjoni

Il-Ġimgħa 4 ta’ Ottubru, l-Ewwel Ġimgħa tax-Xahar, ikun hawn adorazzjoni fis-skiet wara l-quddiesa tas-7.00am. Dak inhar imħeġġin nitolbu għall-vokazzjonijiet saċerdotali.

Festa tal-Madonna tar-Rużarju

Il-Ħadd li ġej 6 ta’ Ottubru, niċċelebraw il-festa tal-Madonna tar-Rużarju. L-Erbgħa, il-Ħamis u l-Ġimgħa ikunu ġranet tat-Tridu. Fis-6.00pm jingħad ir-Rużarju meditat quddiem Ġesu’ Sagramentat u fis-6.30pm quddiesa bil-kant. Il-Ħadd filgħaxija, fl-4.30pm tingħad it-talba tal-Għasar, fil-5.00pm quddiesa kantata bis-sehem tal-Kor Parrokkjali u wara purċissjoni bix-xbiha tal-Madonna akkumpanjata bit-talba tar-Rużarju li se tgħaddi minn dawn it-toroq: Sant’Antnin, Mula, Mamo, l-Kbira u Misraħ San Filep. Wara l-purċissjoni jkun hawn il-quddiesa tas-7.00pm.  

L-Ewwel Tqarbina

Id-dati tal-Ewwel Tqarbina għas-sena d-dieħla 2026 se jkunu s-Sibt 23 ta’ Mejju fl-4.30pm għall-bniet, u l-Ħadd 24 ta’ Mejju fid-9.15am għas-subien.

Sejħa għall-Abbatini

Nixtiequ nħeġġu iktar tfal biex jingħaqdu mall-grupp tal-abbatini tal-parroċċa tagħna. L-abbatini mhux biss jgħinu fis-servizz fuq l-altar fiċ-ċelebrazzjonijiet liturġiċi, imma jkollhom ukoll laqgħat u attivitajiet oħra biex ikomplu jiffurmaw ruħhom b’valuri tajbin.

Dawk it-tfal, subien u bniet, li diġa’ għamlu l-Ewwel Tqarbina u jixtiequ jibdew jagħtu servizz bħala abbatini, jistgħu jiġbru applikazzjoni mis-sagristija.

Ġabra għall-Art Imqaddsa

Il-ġbir li sar is-Sibt u l-Ħadd li għadda għall-Art Imqaddsa kien €2600.

Nitolbu għal Maria Anna Abela li għaddiet għall-ħajja ta’ dejjem. Agħtiha, Mulej il-mistrieħ ta’ dejjem.

Tberik tal-Basktijiet

Il-Ħadd, 21/09, fil-Quddiesa tad-9.30am se jsir it-tberik tat-tfal u tal-basktijiet tal-iskola. It-tfal kollha huma mħeġġa li jattendu u jġibu magħhom il-basket jew il-pocket tagħhom tal-iskola biex jitbierek.

Festa tal-Madonna tad-Duluri

Qegħdin niċċelebraw il-festa tal-Madonna tad-Duluri. Il-Ħadd, 21/9 fis-6.00pm issir quddiesa kantanta u wara toħroġ il-purċissjoni bix-xbieha ta’ Marija Addolorata akkumpanjata bit-talba tar-Rużarju.  

Adorazzjoni

Nhar it-Tlieta, 23/9, issir l-adorazzjoni mmexxija mis-Superjur Joe Fenech, fil-kappella ta’ Dar San Ġużepp (għand is-Sorijiet) fl-10.00am.

Laqgħat tal-Azzjoni Kattolika

Minn nhar l-Erbgħa, 24/9, jibdew il-laqgħat tal-Azzjoni Kattolika għan-nisa wara l-waqfa tas-sajf. Il-laqgħat ikunu kull nhar ta’ Erbgħa mid-9.30am sal-10.30am fis-sala għand is-sorijiet. Jekk hawn xi nisa li jixtiequ jingħaqdu ma’ dan il-grupp huma mistiedna għal-laqgħa ta’ nhar l-Erbgħa li se tibda b’quddiesa.

Festa tal-Madonna tal-Grazzja

Nhar il-Ħadd, 28/9, tiġi ċċelebrata l-festa tal-Madonna tal-Grazzja fil-knisja ddedikata lilha fil-parroċċa tagħna. Matul il-ġimgħa (mit-Tnejn sas-Sibt) jingħad ir-Rużarju fis-6.45pm u fis-7.00pm issir quddiesa. Il-Ħadd fis-6.00pm issir il-quddiesa solenni tal-festa li tagħlaq bl-Antifona u l-Barka Sagramentali.

Sejħa għall-Abbatini

Nixtiequ nħeġġu iktar tfal biex isiru abbatini fil-parroċċa tagħna. L-abbatini mhux biss jgħinu fis-servizz fuq l-altar fiċ-ċelebrazzjonijiet liturġiċi, imma jkollhom ukoll laqgħat u attivitajiet oħra biex ikomplu jiffurmaw ruħhom f’valuri tajbin. Dawk it-tfal, subien u bniet, li diġa’ għamlu l-Ewwel Tqarbina u jixtiequ jibdew jagħtu servizz bħala abbatini jistgħu jiġbru applikazzjoni mis-sagristija.

Pellegrinaġġ f’Assisi

L-Arċipriet ser ikun qiegħed jakkumpanja pelleġrinaġġ ta’ erbat ijiem għal Assisi fuq il-passi ta’ San Franġisk u Cascia fejn għexet Santa Rita, bejn 1 u 4 ta’ Novembru. Jekk hawn min jixtieq jiġi għal dan il-pellegrinaġġ jista’ jitlob aktar informazzjoni lill-Arċipriet direttament.

Sejħa għal reffiegħa fil-vara tar-rużarju

Min jixtieq jerfgha fil-vara tar-Ruzarju fil-festa tagħha  il-Hadd 5 t’Ottubru huwa mitlub jinkiteb fis-sagristija. Dawk li jixtiequ jiehdu sehem fil-purcissjoni bhala fratelli mall-istess fratellanza jinkitbu wkoll fis-sagristija.

Ġabra għall-Art Imqaddsa

Il-ġabra li se ssir fil-quddies fi tmiem din il-ġimgħa tkun b’riżq il-ħidma li l-Knisja twettaq fl-Art Imqaddsa. L-Arċisqof iħeġġiġna biex minbarra l-offerta li nistgħu noffru, nitolbu wkoll biex f’din l-art fejn għex Sidna Ġesù Kristu jkun hemm il-paċi. Permezz tal-offerti tagħna nkunu qed ngħinu lill-Patrijiet Franġiskani biex ikunu jistgħu jieħdu ħsieb is-santwarji fdati f’idejhom marbutin mal-ħajja ta’ Ġesù, u jwettqu diversi ħidmiet ta’ karità ma’ ħutna nsara li jgħixu f’dan il-post. 

Nitolbu għal ħuna Joseph Ciantar, li għadda għall-ħajja ta’ dejjem. Agħtih, O Mulej, il-mistrieħ ta’ dejjem.

Attivita’ għat-Tfal

It-Tlieta (16/09) Mill-5.30pm sas-7.30pm ikollna l-aħħar attivita’ tas-sajf għat-tfal minn Year 1 sa Year 6, fiċ-Ċentru Ta’ Warda. Dawk il-ġenituri li jixtiequ li uliedhom jattendu huma mitluba li jinkitbu fis-sagristija jew minn fuq il-paġna ta’ Facebook tal-parroċċa.

Tberik tal-Basktijiet

Il-Ħadd 21 ta’ Settembru li ġej fil-Quddiesa tad-9.30am se jsir it-tberik tal-basktijiet tal-iskola. It-tfal kollha huma mħeġġa li jattendu u jġibu magħhom il-basket jew il-pocket tagħhom tal-iskola biex jitbierek.

Festa ta’ Marija Addolorata

Il-Ħadd li ġej (21/09) nagħmlu l-festa ta’ Marija Addolorata. L-Erbgħa, il-Ħamis u l-Ġimgħa jkunu ġranet tat-Tridu. Il-quddiesa ta’ filgħaxija tkun bil-prietka mill-Kanonku Dun Noel Borg. Il-Ħadd fis-6.00pm issir il-quddiesa solenni mill-Kanonku Dun Stefan Galea. Wara toħroġ il-purċissjoni akkumpanjata bit-talba tar-Rużarju li se tgħaddi minn Misraħ San Filep, Triq Sciortino, Triq Frans Sammut u Triq il-Kbira. Ħdejn il-bibien tal-knisja hemm leaflet bil-programm u miegħu envelope biex min jixtieq jagħmel offerta b’riżq din il-festa. L-envelopes bl-offerti jintefgħu fil-kaxxi li hawn ħdejn l-artal. 

Reġistrazzjoni Katekiżmu

Matul din il-ġimgħa tkompli r-reġistrazzjoni tat-tfal għall-katekiżmu fil-parroċċa tagħna. Il-ġenituri/kustodji tat-tfal li se jibdew jattendu għall-ewwel darba f’wieħed miċ-ċentri tal-katekiżmu fil-parroċċa tagħna huma mitluba li jirreġistraw lit-tfal tagħhom sal-20 ta’ Settembru. L-applikazzjonijiet jistgħu jinkisbu mill-Uffiċċju Parrokkjali, mis-Sagristija, miċ-ċentri tal-katekiżmu, kif ukoll minn fuq il-paġna ta’ facebook tal-parroċċa tagħna. Importanti li meta l-ġenituri jiġu bl-applikazzjoni fl-uffiċċju ikunu preżenti iż-żewġ ġenituri, peress li l-applikazzjoni trid tkun iffirmata minnhom it-tnejn quddiem saċerdot jew min ikun qiegħed jaqdi fl-uffiċċju parrokkjali.  

Ġabra b’riżq il-ħidma fl-Art Imqaddsa permezz tal-Patrijiet Franġiskan

Il-ġbir li jsir fil-quddies tas-Sibt u l-Ħadd li ġej 20-21 ta’ Settembru ikun b’riżq il-ħidma li l-Knisja twettaq fl-Art Imqaddsa permezz tal-Patrijiet Franġiskani. L-Arċisqof iħeġġiġna biex minbarra l-offerta li nistgħu noffru, nitolbu wkoll biex f’din l-art fejn għex Sidna Ġesù Kristu jkun hemm il-paċi. 

Ġabra għall-Knisja

Il-ġabra speċjali li saret il-Ħadd li għadda għall-ħtiġijiet tal-knisja kienet ta’ €1,400. Nirringrazzjawkom tal-ġenerożità tagħkom.

Nitolbu għal Emanuel Buhagiar, Geraldine Gatt u Raymond Cassar li għaddew għall-ħajja ta’ dejjem. Agħtiha, O Mulej, il-mistrieħ ta’ dejjem.

Reġistrazzjoni tat-tfal għall-Katekiżmu

Qed nilqgħu r-reġistrazzjoni tat-tfal għall-katekiżmu fil-parroċċa tagħna. Il-ġenituri/kustodji tat-tfal li se jibdew jattendu għall-ewwel darba f’wieħed miċ-ċentri tal-katekiżmu fil-parroċċa tagħna huma mitluba li jirreġistraw lit-tfal tagħhom sal-20 ta’ Settembru. L-applikazzjonijiet jistgħu jinkisbu mill-Uffiċċju Parrokkjali, mis-Sagristija, miċ-ċentri tal-katekiżmu, kif ukoll minn fuq il-paġna ta’ Facebook tal-parroċċa tagħna. Importanti li meta l-ġenituri jiġu bl-applikazzjoni fl-uffiċċju ikunu preżenti iż-żewġ ġenituri, peress li l-applikazzjoni trid tkun iffirmata minnhom it-tnejn quddiem saċerdot jew min ikun qiegħed jaqdi fl-uffiċċju parrokkjali.

Laqgħa Grupp Padre Pio

L-Erbgħa (10/09) jiltaqa’ l-Grupp ta’ San Padre Pio. Il-laqgħa tibda fis-6.00pm b’rużarju meditat u wara tkompli bil-quddiesa ta’ filgħaxija. 

Pellegrinaġġ

Nhar il-Ġimgħa (12/09) se jsir pellegrinaġġ mill-Knisja Arċipretali għall-knisja tal-Madonna tal-Grazzja b’rabta mas-sena tal-Ġublew. It-tema għal din il-mixja ser tkun “It-tama fil-familji tagħna”. Ninġabru fil-Knisja Arċipretali fis-6.15pm u nimxu  lejn Tal-Grazzja. Fi tmiem il-pellegrinaġġ, għas-7.00pm ikun hemm quddiesa. Dak inhar tkun il-festa liturġika tal-Madonna tal-Grazzja, għalhekk xieraq nafdaw il-familji tagħna taħt il-ħarsien ta’ Marija. Inħeġġeġ, b’mod speċjali il-familji, biex nieħdu sehem f’din il-mixja ta’ Fidi. Minħabba dan il-pelleġrinaġġ ma jkunx hawn quddiesa fil-nisja Arċipretali fis-6.30pm.

Attività għat-Tfal

It-Tlieta 16 ta’ Settembru se nkunu qed norganizzaw attività ta’ għeluq is-sajf għat-tfal minn Year 1 sa Year 6. L-attivita’, li se tinkludi formazzjoni, talb u logħob, se ssir fiċ-Ċentru Ta’ Warda mill-5.00pm sas-7.00pm. Dawk il-ġenituri li jixtiequ li uliedhom jattendu huma mitluba li jinkitbu fis-sagristija jew minn fuq il-paġna ta’ facebook tal-Parroċċa.

Festa ta’ Marija Addolorata

Il-Ħadd 21 ta’ Settembru niċċelebraw il-festa ta’ Marija Addolorata. Fuq l-imwejjed hdejn il-bibien tal-ġnub tal-knisja hemm il-programm tal-festa u envelope għal min jixtieq jikkontibwixxi għall-ispejjeż marbutin ma’ din il-festa. L-offerti għandhom jintefgħu fil-kaxxi li hawn ħdejn l-artal.

Fr Malcolm Saliba

Insellmu lil Fr Malcolm li ġie msejjaħ mill-Arċisqof biex ikompli studji speċjalizzati fit-Teoloġija barra minn Malta. Nirringrazzjawh tal-ħidma u l-preżenza tiegħu fostna bħala djaknu u saċerdot. Nitolbu għalih f’din ir-responsabilta afdata lilu mill-Knisja.

Ġabra Speċjali

Fl-Ewwel Ħadd tax-Xahar, issir il-ġabra speċjali għall-bżonnijiet tal-knisja. Nirringrazzjawkom tal-għajnuna tagħkom li dejjem tagħtu permezz tal-offerti tagħkom.

Nitolbu għal ħutna Charlie Mifsud, Joseph Zammit, u l-koppja Manuel u Doris Buhagiar li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.