Il-Festa tal-Qaddisin u l-Mejtin kollha

Nhar it-Tnejn, 1 ta’ Novembru, niċċelebraw il-Festa Solenni tal-Qaddisin kollha. Fis-6.30 ta’ filgħaxija ssir konċelebrazzjoni bis-sehem tal-Kor Parrokkjali.

Nhar it-Tlieta 2 ta’ Novembru niċċelebraw it-Tifkira tal-Mejtin Kollha. Dakinhar il-quddies se jkun kull nofs siegħa. Nibdew mis-sitta ta’ filgħodu u l-aħħar quddiesa toħrog fit-8.30am. Fis-6.30 ta’ filgħaxija jkollna quddiesa konċelebrata solenni.

Laqgħa Xebbiet Azzjoni Kattolika

Nhar it-Tlieta se ssir il-laqgħa tax-Xebbiet tal-Azzjoni Kattolika fid-8.45am.

Tberik taċ-Ċimiterji

Minħabba s-sitwazzjoni preżenti, it-tberik taċ-ċimiterji tal-Qalb ta’ Ġesù u dak ta’ Sant’Andrija se jsir b’mod privat. Nappella biex inżommu ċ-ċimiterju nadif b’sens ta’ rispett lejn l-għeżież tagħna. Nirringrazzja lil kull min qed jgħin biex iċ-ċimiterju jinżamm fi stat tajjeb.

Tibdil fil-Ħinijet tal-Quddies

Issa li se bdejna l-ħin tax-xitwa, infakkru li  jkollna xi tibdil fil-ħin tal-Quddies ta’ filgħaxija. Minn nhar is-Sibt, il-quddies fil-Knisja Arċipretali jkun fil-5.00pm u fis-6.30pm, pero’ nhar ta’ Ħadd filgħaxija l-Quddies jibqa’ l-istess, jiġifieri fil-5.30pm u fis-7.00pm. Fil-Knisja Arċipretali, il-Quddies ta’ matul il-ġimgħa filgħaxija se jkun fis-6.30pm.

Mandat ta’ Arċipriet għall-Parroċċa

Il-Ħadd li ġej, 7 ta’ Novembru, l-Arċisqof Charles J. Scicluna ser jagħti uffiċjalment il-mandat (magħruf ukoll bħala l-pussess) bħala Arċipriet ta’ din il-parroċċa fil-quddiesa ta’ filgħaxija li se tkun fis-6.00pm. Kulħadd huwa mistieden; biss bħalma lkoll tafu, l-ispazju fil-knisja jista’ jkun limitat minħabba li għadna rridu nżommu distanza soċjali. Nhar il-Ħadd biss ma jkunx hawn quddiesa fis-7.00pm.

Adorazzjoni

Bi tħejjija, nhar il-Ġimgħa 5 ta’ Novembru fis-6.00pm se ssir Adorazzjoni hawn fil-Knisja Arċipretali li tibda bit-talba tar-Rużarju. Nagħlqu bil-quddiesa fi tmiem l-adorazzjoni. Inħeġġeġ lill-membri tal-Għaqdiet u lilkom ilkoll sabiex ninġabru flimkien fit-talb quddiem Ġesù Ewkaristija għall-parroċċa tagħna.

Fundraising – Coffee Morning

Il-grupp tal-fundraising tal-Parroċċa se jorganizza coffee morning bit-tombla nhar it-Tlieta 9 ta’ Novembru fid-9.30am fis-sala ta’ taħt l-Uffiċċju (għand is-sorijiet).

Prietka tal-Milied

Il-ġenituri tat-tfal li għandhom bejn 8 u 9 snin (Year 4 u 5 fl-iskola) u li uliedhom jixtiequ jagħmlu l-Prietka tal-Milied, huma mitluba li jiktbu lil uliedhom fis-sagristija jew fl-Uffiċċju Parrokkjali.  Minħabba li daħal ftit iż-żmien, hemm ċans sa nhar il-Ħadd 7 ta’ Novembru.

Ġabra f’Jum il-Missjoni

Il-ġbir li sar fl-okkażjoni ta’ Jum il-Missjoni, fi tmiem il-ġimgħa li għadda, kien ta’ €3,950. Grazzi tal-ġenerożità tagħkom.

Jum il-Missjoni

Dan il-Ħadd qed niċċelebraw JUM IL-MISSJONI. Ningħaqdu ma’ ħutna nsara fid-dinja kollha fit-talb għall-ħidma Missjunarja li ssir mill-Knisja fid-dinja. Infakkru li l-ġbir kollu li se jsir f’dan il-weekend, se jkun kollu għall-Missjoni. Xieraq li ngħinu bl-offerti tagħna. Bħal dejjem inħeġġukom sabiex tkunu ġenerużi. L-envelops li tqassmu fi djarna tistgħu iġibuhom il- Knisja.

Rużarju fil-Pjazza ta’ Ħal Dwieli

Minn nhar it-Tnejn sal-Ġimgħa il-Leġjun ta’ Marija se jorganizza it-talba tar-Rużarju fil-pjazza ta’ Ħal Dwieli filgħaxija. Mit-Tnejn sal-Ħamis jingħad fis-6.30pm u il-Ġimgħa jingħad fis-6.00pm u wara tiġi ċċelebrata quddiesa.

Quddiesa b’talb għall-fejqan

Nhar l-Erbgħa fis-Santwarju Qalb ta’ Ġesu’ ser issir quddiesa b’talb għall-fejqan minn Fr David Borg ofm Conv. Tibda fis-6.00pm.

Laqgħa Kummissjoni Familja

Il-Kummissjoni Familja qed torgaiżża laqgħa nhar il-Ġimgħa, fis-7.15 filgħaxija fis-Sala ta’ dar San Ġużepp (taħt l-Uffiċċju Parrokkjali) bit-tema “Familja Aħjar”.

Nitolbu għal ħutna Carmel Said u Luċija Caruana li għaddew għall-Ħajja ta’ Dejjem. Agħtihom O Mulej, il-Mistrieħ ta’ Dejjem.

Quddiesa ta’ Ringrazzjament
Quddiesa ta’ Ringrazzjament fl-okkażżjoni tat-tmiem tal-Parrokkat tal-Arċipriet Fr Daniel
Cardona se tiġi iċċelebrata il- Ħadd 17 ta’ Ottubru, fis-7.00pm. Kulħadd huwa mistieden.

Fr Albert Buħagiar – Amministartur Parrokkjali
Minn nhar it-Tnejn, 18 ta’ Ottubru, Fr Albert se jieħu l-amminsitrazzjoni tal- Parroċċa f’idejh.
Infakkru li għaldaqstant dak li għandu x’jaqsam mall-Parroċċa mportanti li tkellmu lil Fr
Albert, l-Arċipriet il-Ġdid. Infakkru li n-numru tal-mobile ta’ Fr Albert , wieħed jista’ jsibu fuq
in-notice boards tal-Knisja, kif ukoll fuq il- facebook page u il- websajt tal-Parroċċa. Intant Fr Albert se jieħu il-pussess tal-Parrocca nhar is 7 ta’ Novembru, fil-5.30pm.

60 sena mit-Twaqqif tal-Banda 12th May
Nhar il-Ġimgħa se tiġi ċċelebrata quddiesa hawn fil-Knisja Arċipretali, fis-7.00pm
b’ringrazzjament tas-60 sena min minndu twaqqfet is-Soċjeta u Każin 12th May.

Ġabra għall-Missjoni
Nhar il-Ħadd li ġej ningħaqdu ma’ ħutna nsara fid-dinja kollha biċ-ċelebrazzjoni tal-Ġurnata
Missjunarja. Infakkru li l-ġbir kollu li se jsir fil-weekend li ġej, se jkun kollu għall-Missjoni. Bħal dejjem inħeġġukom sabiex tkunu ġenerużi. L-envelopes li tqassmu fi djarna tistgħu iġġibuhom il-Knisja.

Nitolbu għal oħtna li għaddiet għall-Ħajja ta’ Dejjem matul din il-ġimgħa: Desideria Mallia. Agħtiha O Mulej, il-Mistrieħ ta’ Dejjem.

Quddiesa ta’ Ringrazzjament

Il-Quddiesa ta’ Ringrazzjament fl-okkażjoni tat-tmiem tal-Parrokkat tal-Arċipriet Fr Daniel Cardona se ssir nhar il- Ħadd li ġej, 17 ta’ Ottubru 2021 fis 7.00pm. Kulħadd mistieden.

Il-Handover toqrob fi tmiema matul dawn il-ġranet. Għaldaqstant tajjeb tieħdu nota tal-mobile number tal-Arċipriet il-Ġdid, Fr.Albert Buħaġiar, +356 79080506.

Kunsill Pastorali Parrokkali

Il-Kunsill se jiltaqa’ nhar it-Tnejn, fis-7.30pm. Il-membri mħeġġa li jattendu.

Laqgħa Padre Pio

Nhar it-tlieta jmiss il-laqgħa ta’ San Piju fil-5pm u tibda bil-quddiesa minn Dun Frans Bonnici, fil-knisja Arciprietali.

Festa tar-Rużarju

Il-Ħadd, 3 ta’ Ottubru, niċċelebraw il-Festa tal-Madonna tar-Rużarju fil-Parroċċa tagħna b’ċelebrazzjoni ta’ Quddiesa konċelebrata Solenni fis-7.00pm segwita bil-Barka Sagramentali. Se jieħu seħem il- Kor parrokkjali.

Ruzarju Quddiem Ġesu Sagramentat fix-xahar ta’ Ottubru

Matul dan ix-xahar dedikat lill-Madonna tar-Rużarju, ir-Rużarju ser jingħad quddiem Gesu’ sagramentat nofs siegħa qabel il-quddiesa ta’ filgħaxija. It-Talba tar-Ruzarju ssir skont l-intenzjonijiet tal-Papa u tal-Isqfijiet.

Sagrament tal- Griżma tal-Isqof

Fil-quddiesa tal-Ħadd (10 ta’ Ottubru) tal-5.00pm, se jkollna l-aħħar ċlebrazzjoni tal-Ġrizma tal-Isqof għall-adoloxxenti tagħna. Tajjeb li nitolbu għalihom.

Nitolbu għal ħutna li għaddew għall-Ħajja ta’ Dejjem matul din il-ġimgħa: Philippa Camilleri u Gemma Attard…Agħtihom O Mulej, il-Mistrieħ ta’ Dejjem.

Festa tar-Rużarju

Nhar il-Ħadd li ġej niċċelebraw il-Festa tal-Madonna tar-Rużarju fil-Parroċċa tagħna. Bi tħejjija għall-festa, nhar l-Erbgħa, il-Ħamis u l-Ġimgħa (se jkun hawn tieġ), huma jiem ta’ tridu fil-Quddiesa tas-7.00pm. Il- Ħadd fis-7.00pm ikollna Quddiesa Solenni segwita bil-Barka Sagramentali.

Rużarju Quddiem Ġesu Sagramentat fix-xahar ta’ Ottubru

Matul dan ix-xahar ir-Rużarju ser jingħad quddiem Ġesu’ sagramentat nofs siegħa qabel il-quddiesa ta’ filgħaxija. It-Talba tar-Rużarju ssir skont l-intenzjonijiet tal-Papa u tal-Isqfijiet.

Sagrament tal-Griżma tal-isqof

Il-quddiesa tas-Sibt li ġej fis-7.00pm,  tal-Ħadd fid-9.00am u tal-5.00pm se ssir  fihom  iċ-Ċelebrazzjoni tas-sagrament tal-Ġriżma tal-Isqof lill-adoloxxenti tagħna. Tajjeb li nitolbu għalihom.

Il- Ħadd li ġej (3 ta’ Ottubru)  minħabba il-Griżmi l-quddiesa tat-tfal se ssir fl-10.30am u wara il-quddiesa li jimss  tkun fil-11.30am

Nirringrazzjawkom tal-Ġabra b’risq l-Art Imqaddsa li laħqet is-somma ta’ €1500

Nitolbu għal ħutna li għaddew għall-Ħajja ta’ Dejjem matul din il-ġimgħa: Giuzeppa Vella, Emanuel Aquilina, Frans Attard u Carmena Mifsud. Agħtihom O Mulej, il-Mistrieħ ta’ Dejjem.

Festa tad-Duluri

Illum qed niċċelebraw il-Festa tad-Duluri fil-parroċċa tagħna. Fis-7.00pm issir Quddiesa Solenni li tintemm bil-barka sagramentali.

Inawgurazzjoni tar-Restawr tal-Pedestal tas-Salib

Wara l-Quddiesa tal-Ħadd tas-7.00pm se ninawguraw ix-xogħol ta’ restawr li sar fuq il-Pedestal  tas-Salib li jintuża fil-Purcissjoni tal-Ġimgħa il-Kbira. Ix-xogħol ta’ restawr kemm fl-injam, kif ukoll fl-induratura tad-deheb sar minn Jesmond Bonello.

Laqgħat għall-Ġenituri u l-Parrini

Il-laqgħat li huma marbuta maċ-Ċelebrazzjoni tal-Griżma li se jsiru wara il-quddiesa tas7.00pm kif ġej:

• Il-Ġimgħa 24 ta’ Settembru: Laqgħa ġenituri u parrini ta’ tfajliet bniet li se jirċievu il-Grizma, 
• Is-sibt 25 ta’ Settembru: Laqgħa ġenituri u parrini ta’ tfal subien li se jirċievu il- Griżma 

Matul dawn il- ġranet l-adoloxxenti li se jirċievu s-sagrament tal-Griżma se jkollhom ħinijiet dedikati għalihom għall-Qrar.

Laqgħat tal-Gruppi u l-Għaqdiet fi ħdan il-Parroċċa

Issa li qed noqorbu lejn tmiem is-Sajf jerġgħu jibdew jiltaqgħu il-gruppi u l- għaqdiet fi ħdan il-parroċċa fuq bazi regolari.

Għaldaqstant fiċ-Ċentru taż-Żgħażagħ ta’ Warda ser jerġgħu jibdew il- laqgħat  għall-adoloxxenti żgħażagħ, minn 13 sa 16-il sena. Il-laqgħat  isiru kull nhar t’Erbgħa fis-7.30pm. Jekk hawn xi adoloxxenti  żgħażagħ li jixtiequ jingħaqdu ma’ dan il-grupp huma mħeġġin biex jattendu nhar l-Erbgħa fis-7.30pm, f’Ta Warda.

L-Azzjoni Kattolika Sezzjoni Nisa se jibdew jiltaqgħu mill-ġimgħa ta’ wara.

Il-Ġabra Speċjali għal din il-ġimgħa ser tkun għall-Art Imqaddsa.

Nitolbu għal ħuna li għadda għall-Ħajja ta’ Dejjem matul din il-ġimgħa: Nenu Chircop. Agħtih O Mulej, il-Mistrieħ ta’ Dejjem.

Festa tad-Duluri

Nhar il-Ħadd li ġej, 19 ta’ Settembru, niċċelebraw il-Festa tad-Duluri fil-parroċċa tagħna. Bi tħejjija għall-festa, se jkollna t-Tridu nhar l-Erbgħa, il-Ħamis u l-Ġimgha, fil-Quddiesa tas-7.00pm. Il-Ħadd, fis-7.00pm, issir Quddiesa Solenni li tintemm bil-barka sagramentali.

Ġabra Favur L-Art Imqaddsa

Fi tmiem il-ġimgħa li ġejja se ssir il- ġabra Favur L-Art Imqaddsa. Ngħinu lil dawn ħutna materjalment billi nagħtu l-offerta ġeneruża tagħna. Bl-offerti tagħna ngħinu biex jinżammu miftuħa postijiet u ħidmiet reliġjużi u ta’ għajnuna għal dawn ħutna li jgħixu fl-Art imqaddsa. Noffru it-talb tagħna ukoll għal dawn ħutna. 

Nitolbu għal ħuna li għadda għall-Ħajja ta’ Dejjem matul din il-ġimgħa: Andrew Zammit. Agħtih O Mulej, il-Mistrieħ ta’ Dejjem.

Il-‘handover’ tal-Arċipretura

Il-proċess tal-handover tal-Arċipretura għaddej b’ritmu tajjeb. Minn nhar it-Tnejn kemm Fr Albert Buħaġiar, l-Arċipriet il-ġdid, kif ukoll il-viċi il-ġdid Fr Mario Dimech, se jibdew ikunu fostna biex jibdew jagħtu servizz fil-parroċċa tagħna. Tajjeb li nilqawhom fostna u nitolbu għalihom.

Pellegrinaġġ għal Lourdes

Il-Pellegrinaġġ imtela’ kollu. Niskużaw ruħna li minħabba postijiet limitati ma stajniex naċċettaw lil kull min xtaq jingħaqad magħna. Fr Daniel javża li se jkun assenti mill- parroċċa mill-Ħamis filgħaxija sat-Tlieta ta’ wara, peress li se jakkumpanja il-grupp f’ Lourdes bħala direttur spiritwali.

Donazzjonijiet għal Peru

Id-donazzjoni lid-Djoċesi ta’ Huanace fil-Peru, fejn qed iservi l-Isof Giovanni Cefai,

li laħqet is-somma ta’ ‘il fuq minn 7,000 dollaru u li nġabret miż-żgħażagħ li kellhom jagħmlu esperjenza fil-Peru pero minħabba il- pandemija kellha tiġi iħassra, għaddew lil Isqof Fr Giovanni Cefai.  Nirringrazzjaw liż-żgħażagħ li ħadu l-impenn li jiġbru dawn il-flus kif ukoll lil kull min kien għaddielhom xi donazzjoni għal dan il-għan.

Leġjun ta’ Marija

Nhar it-Tlieta, 7 ta’ Settembru, il-membri tal-Leġjun ta’ Marija se jiccelebraw ic-ċentinarju mit-twaqqif ta’ din l-għaqda ġewwa Dublin l-Irlanda proprju mitt sena ilu, fis-7 ta’ Settembru 1921.  Ir-Rużarju dakinhar filgħaxija jingħad bit-talb tat-tessera tal-Leġjun.  Il-quddiesa tas- 7.00pm tkun animata mill-istess membri tal-Leġjun u fiha jsir ħsieb dwar din l-għaqda u l-ispiritwalita’ tagħha.  Kulħadd mistieden b’mod speċjali il-membri awżiljarji.

Nitolbu għal ħutna li għadda għall-Ħajja ta’ Dejjem matul din il-ġimgħa: Jane Zammit, Giuseppe Agius u Antonia Zahra….Agħtihom O Mulej, il-Mistrieħ ta’ Dejjem.

Il-Ġabra speċjali għal din il-ġimgħa hija b’risq il-Parroċċa. Grazzi.

Griżma ta’ l-Isqof f’Ottubru 2021

Infakkru lil dawk li ser jagħmlu il-Griżma tal-Isqof f’Ottubru li ġej huma mitluba li jagħżlu l-parrinu/a. Il-parrini jridu jimlew dikjarazzjoni tal-fidi tagħhom.

Dawk it-tfal li huma entitolati li jagħmlu il-Griżma mitluba li jikkonfermaw dan mall- katekisti tagħhom.

Reġistrazzjoni għall-Katekiżmu

Infakkru fir-reġistrazzjonijiet tat-tfal li s-sena d-dieħla se jagħmlu l-Ewwel Tqarbina u għal dawk li qatt ma rreġistraw għall-Katekeżi.

Pellegrinaġġ għas-Santwarju tal-Madonna tal-Mellieħa

Nhar  l-erbgħa, 8 ta’ Settembru ser isir il-pellegrinaġġ. Min hu interessat ikellem lil Maria Cardona jew lil Melania Grech.

Infakkru fil-Pellegrinaġġ lejn Lourdes, li ser isir bejn id-9 u l-14 ta’ Settembru, 2021. Għad fadal xi postijiet u min hu interessat jista’ jsib kopja ta’ l-itinerarju fis-Sagristija.

Biex wieħed jingħaqad  magħna jrid ikun ivvaċċinat. F’dawn il-ġimgħat Lourdes hu post sigur għal min irid jivvjaġġa. Wieħed ma għandux bżonn ta’ PCR tests.  Min hu interessat importanti li ma jħallix għall-aħħar għax il-postijiet huma limitati.

Għal aktar informazzjoni kellmu lill-Arcipriet, Fr Daniel.

Nitolbu għal ħuna li għadda għall-Ħajja ta’ Dejjem matul din il-ġimgħa: Mikiel Saliba….Agħtih O Mulej, il-Mistrieħ ta’ Dejjem.